Саеми и фестивали

Скопски вински салон - Винодонија 2017, 1-2 декември, хотел Мериот

Петок, Декември 1, 2017 - 13:00 to Сабота, Декември 2, 2017 - 20:00
Мериот хотел Скопје

Оваа година по втор пат на 1ви и 2ри декември во хотелот Мериот во Скопје ќе се одржи Скопскиот вински салон- Винодонија 2017, најзначајниот вински настан во Македонија. Овој салон, прв од ваков вид во земјава, е организиран од група на вински критичари, едукатори и судии под закрила на Здружението на сомелиери на Република Македонија.

По огромниот успех кој Винодонија го доживеа минатата година и на едно место успеа да ги собере винариите од Македонија, како и од Балканот, и многу други европски земји како Италија, Франција, итн. оваа година по втор пат ќе ги собере сите чинители на винската индустрија, вински љубители, критичари и новинари, како и преставници од ХоРеКа секторот, бизнис заедницата и преставници од амбасадите во земјава и пошироко. 

Програмата на салонот вклучува мастер класови на винариите, Шато Камник,Тиквеш и Стоби, како и работилници (дегустации) кои ќе ги заинтригираат сите вински љубители:Професионална дегустација со чашите на Риеделедукативна работилница со Стефано Канело, експерт за чаши од Риедел, најпознатата компанија за производство на чаши за винска намена во светот, Спарување на далматинска храна и македонски вина со Џино Премзиќ, еден од најпознатите шефови на кујна и Слободен Чокревски, Претседател на Slow Food Macedonia, Мастер клас на Споредба на црногорски со македонски вранци со Данијела Радеч (Претседател на Здруќението на сомелиери на Црна Гора) и Звонко Херцег (вински есперт-WSET), Мастер клас за Хрватски пенливи вина од дното на Јадранот и вина од амфора со Иво Козарчанин (вински новинар), Мастер клас Бугарија на винската карта. Да ја истражиме! со Галина Тодорова Нифору (директор на BIWC, Интернационалното балканско винско натпрварување), Тајните на станушината- македонскиот пино ноар со Проф. Д-р Климе Белески и Звонко Херцег и Елеганцијата на македонската темјаника со Ивана Симјановска. Цената за секоја од работилниците и мастер класовите почнува од 800 денари и истите се веќе пуштени во онлајн продажба- повеќе инфо за картите на следниов линк http://vinodonia.mk/programa

World Bulk Wine Exhibition (WBWE) 2015, Амстердам, Холандија

Понеделник, Ноември 23, 2015 - 12:00 to Вторник, Ноември 24, 2015 - 20:00
Амстердам, Холандија

Седмиот по ред Светски саем за наливно вино (World Bulk Wine Exhibition- WBWE) ќе се одржи на 23ти и 24ти ноември во Амстердам, халите 4 и 5 на Amsterdam RAI. Овој саем од година во година има се повеќе учесници, па така оваа година изложувачкиот простор е зголемен за 20%, а се бележи и зголемено учество на изложувачи за 15% кои доаѓаат од дваесет и една земја од светот. Аргентина, Австрија, Белгија, Чиле, Кина, Франција, Грција, Унгарија, Косово, Италија, се само некои од земјите кои ќе се престават со своите вина на овој единствен саем за наливно вино во светот. 

Регистрацијата на учесниците е сеуште отворена, а повеќе информации за саемот и условите за учество се достапни на следниов линк:

http://www.worldbulkwine.com/ing/inicio.php

Вино-Скоп 2015

Среда, Септември 30, 2015 - 19:00 to Недела, Октомври 4, 2015 - 00:00
Скопје, АкваПарк паркингот позади С.Р.Ц „Борис Трајковски“

   Деветиот по ред вински фестивал на македонски вина, Вино Скоп 2015, ќе се одржи од 30-ти септември до 4-ти октомври во Скопје, на нова локација позади С.Р.Ц „Борис Трајковски“ на паркингот кај АкваПарк.

   Повеќе од дваесетина македонски винарии ќе земат учество, а посетителите ќе може да уживаат во македонсите вина по промотивни цени. Публиката како и секоја година ќе ја забавуваат бендови и познати музичари како Бојан Маровиќ, Дани Димитровска, Миле Кузмановски, Куку Леле, Тони Зен и Флека, Лозано, Тијана Дапчевиќ, Суперхикс, Ристо Самарџиев, Тајзи, Бета Хаус и многу други.
 

Terravino Mediterranean International Wine & Spirit Challenge 2015

Недела, Ноември 8, 2015 - 00:15 to Четврток, Ноември 12, 2015 - 00:15
Тел Авив, Израел

Terravino Mediterranean International Wine & Spirits Challenge 2015 оваа година слави 10 годишнина од своето постоење. На овој вински натпревар секоја година со свои примероци учествуваат речиси триесетина земји од целиот свет, а Terravino се покажа и како одличен начин за влез на многу интернационални винарии на израелскиот пазар на вина и алкохолни пијалаци. 

Интересно е да се спомене дека на овој натпревар вината се поделени во категории и според нивната цена, така да не може да се случи во иста категорија да се натпреваруваат вина со голема ценовна разлика. Во највисоката ценовна категорија производите се натпреваруваат за злато или дупло злато. 

Terravino Mediterranean International Wine & Spirits Challenge 2015 ќе се одржи од 8ми до 12ти ноември во Тел Авив. 

Пријавување и плаќање:
Цената на пријавување  е 170 $ или 160 Euro од примерок, односно за секој примерок треба да се достават 4 флаши вино или две флаши алкохолен пијалак. Крајниот рок на пријавување и плаќање е 30/09/15

На следниов линк може да ја симнете апликацијата за пријавување, http://www.mediterraneaniwc.com/formulario.html
Информации за испраќање на примероците: please read and follow the shipment instruction
Лице за контакт: Moises Spak, mas@mediterraneaniwc.com, cel+972543969459

Dalmacija Wine Expo 2015, Сплит, Хрватска

Петок, Април 24, 2015 - 11:00 to Сабота, Април 25, 2015 - 20:00
Сплит, Хрватска

Винскиот фестивал Dalmacija Wine Expo 2015 ќе се одржи на 24ти и 25ти април во хотелот Радисон Блу во Сплит, Хрватска. Исто како и минатите години, учество ќе земат многу хрватски винарии како и винарии од регионот, вклучувајќи ја и Македонија. Освен преставување на винарии, ќе бидат одржани и многу дегустации, предавања и спарување на храна и вино во соработка со најдобрите ресторани во градот.  Едни од поинтересните дегустации и предавања кои ќе се одржат, сигурно ќе бидат оние на винскиот писател и консултант, Микел Худин насловена како "Каталонија и Далмација- сличности и разлики", дегустацијата на најдобри хрватски плавци од бербата 2012та која ќе ја води Саша Шпиранец, а интересно ќе биде и предавањето од претставници од WSET Хрватската винска академија, која е прва WSET Академија на Балканот и за која има се поголем интерес во регионот.  Повеќе информации за фестивалот и програмата, на следниов линк http://www.dalmacijawineexpo.com/

VinItaly 2015, Верона, Италија

Недела, Март 22, 2015 - 14:45 to Среда, Март 25, 2015 - 14:45
Verona, Italia

Утре, 22ри март, во Верона, Италија, започнува VinItaly, еден од најбитните саеми за вино кој оваа година ќе се одржи по четириесет и девети пат. Повеќе информации за саемот и излагачите може да нјадете на следниов линк http://www.vinitaly.com/EN

ProWein 2015, Duselldorf, Germany

Недела, Март 15, 2015 - 12:00 to Вторник, Март 17, 2015 - 20:00
Duselldorf, Germany

На 15ти март во Дизелдорф, Германија, започнува ProWein 2015, можеби најпрестижниот вински саем во светот. Саемот е отворен до 17ти март, а македонските винарии кои се членови на здружението WInes of Macedonia, ќе ги презентираат своите вина во сала број 12- G21. Повеќе информации на следниов линк http://www.prowein.com/cipp/md_prowein/custom/pub/content,oid,19791/lang...

Concours Mondial de Bruxelles 2015, Јесоло, Италија

Concours Mondial 2015, Јесоло, Италија
Петок, Мај 1, 2015 - 08:00 to Недела, Мај 3, 2015 - 20:00
Јесоло, Италија

Регистрацијата за винариите е отворена до 6ти март, се очекуваат повеќе од 8000 вина од 40 земји од целиот свет

Concours Mondial de Bruxelles (CMB), е едно од најпрестижните вински натпреварувања во светот кој оваа година, од 1ви до 3т мај, ќе се одржи во Венето, во италијанскиот град Јесоло. Во последните 20 години, CMB се одржа на локации како Бордо, Лисабон, Валенсија, Палермо и Братислава, како и градови во едни од земјите кои се најголеми консументи на вино, како Маастрихт (Холандија) и се разбира, главниот град на Европа, Брисел. За дваесет и првото издание на CMB во Јесоло, се очекува да бидат пријавени повеќе од 8000 вина од преку 40 земји, како и 300 дегустатори кои ќе бидат присутни како вински судии. Регистрацијата на вина е отворена до 6ти март. 

Во последните години на CMB се' повеќе се пријавуваат вина од земјите од Јужно-источна и Централно-источна Европа, од Чешка па до Грузија, од Словенија до Украина, од Унгарија до Бугарија и Романија до Македонија. На натпреварот кој се одржа во 2014та во Брисел на дваесетгодишнината од Concours Mondial за посебни откритија беа прогласени “Winemaker’s Cut Cuvée Hron – Váh – Rimava” од винаријата Mrva&Stanko од Словачка,“Gold Stallion 2011” од винаријата Angelus Estate, Бугарија и “Reserve Petit Verdot” од винаријата Suvla, Турција. Овие резултати само покажуваат дека вината од земјите од Источна Европа може многу лесно да се натпреваруваат со некои од престижните имиња кои доаѓаат од винските региони на Запад.  

Повеќе информации на следниов линк: www.concoursmondial.com

Вински фестивал на Скопски саем

Четврток, Ноември 27, 2014 - 17:00 to Сабота, Ноември 29, 2014 - 01:00
Метрополис арена на Скопски саем

Четвртиот по ред Вински фестивал на Скопски саем ќе биде отворен денес од 17 часот. 
На саемот ќе се претстават единаесет винарии од кои девет се од Македонија. Фестивалот ќе биде отворен за сите вински љубители во следните три дена и ќе понуди богата музичка програма. 

Pages